Реһан Асимқизи Мәхпирова 1949-жили 1-сентябрьда Алмута вилайитиниң илгәрки Челәк (һазирқи Әмгәкчиқазақ) наһийәсигә қарашлиқ Челәк йезисида туғулған. Қурманғази намидики Алмута дөләт сәнъәт институтиниң театр факультетидики актерлар бөлүмини түгәткән.
Сәнъәт саһасидики әмгәк паалийитини дәсләп С.Сейфуллин намидики Қарағанда вилайәтлик қазақ театридин башлап, мәзкүр дәргаһ сәһнисидә қоюлған «Наркес» (муәллипи И.Юмагулов) спектаклида – Наркесниң, «Тутқунларда» (Қ.Мухаметжанов) – адвокатниң, «Дуэльда» (М.Байджиев) – Назыниң, «Дәсләпки муәллимдә» (Ч.Айтматов) – Алтынайниң вә башқиларниң рольлирини утуқлуқ ойнайду.
1971-жили Абай намидики Җамбул вилайәтлик театриға йөткилип, иҗадий издинишини бу йәрдиму давамлаштуриду. Шуниң нәтиҗисидә «Аюбайниң әҗили» (С.Адамбеков) спектаклидики – Жанарниң, «Фудзиямиға көтирилиштики» (Ч.Айтматов) – Анарниң, «Қазақ солдитидики» (Ғ.Мүсрепов) – Ботаниң, «Сирлиқ тиләмчидики» (Я.Солович) – Ғабиканиң, «Тиниқ Дондики» (М.Шолохов) – Аксиньяниң, «Палван Чолақтики» (С.Муқанов) – Ғалияниң вә башқиларниң образлири көңүлдикидәк яритилиду.
У мәзгилләрдә актриса сүпитидә шәкиллиниш җәриянини баштин кәчүрүватқан яш сәнъәткарниң дәсләпки утуқлири мунасип баһалинип, бир нәччә қетим саһаға мунасивәтлик идариләрниң Пәхрий ярлиқлири вә дипломлири билән тәғдирлиниду.
Р.Мәхпированиң Җумһурийәтлик дөләт Уйғур музыкилиқ комедия театридики паалийити болса, 1977-жилдин башланди. Бу дәргаһта ишлигән жиллар җәриянида у кәспий җәһәттин техиму өсүп, йетәкчи сәһнә маһирлири қатаридин орун алди. Миллий сәһнимиздә жүргән қириқ жилдин ошуқ вақит ичидә у яратқан нурғунлиған образлар һазирқи яш сәнъәткарлар үчүн үлгә-нәмунә болуп кәлмәктә. Мәсилән, униң «Пәрһат-Ширин» (муәллипи Н.Һекмәт) спектаклидики – Мехменебану, «Назугумдики» (Җ.Босақов) – Назугум, «Ләйли-Мәҗнундики» (Ш.Хуршид) – Ләйли, «Парасәтсиз тәхсирдики» (Мольер) – Доримена, «Одиссейниң ғәзивидики» (А.Вальехо) – Диона, «Ғерип-Сәнәмдики» (И.Саттаров, В.Дьяков) – Һәлимә, «Анархандики» (Җ.Асимов, А.Садиров) – Гүлзарә, «Бир түп алмидики» (Ә.Оразбеков) – Ана, «Келинләр қозғилиңидики» (С.Ахмад) – Пәрманбүви, «Ялғуз ялпуздики» (Ә.Һаширий) – Алтын, «Ақ йеғиндики» (Т.Тохтәмов) – Патәмхан вә башқиму көплигән рольлири тоғрилиқ шундақ дейиш мүмкин.
Р. Мәхпировани көпчилик шундақла даңлиқ күлкә маһири сүпитидә тонуйду. Чүнки у әл арисида интайин аммибап болған «Тәбәссүм» һәзил-күлкә программисиниң асасини салғучиларниң бири болуп, таки бүгүнки күнгичә миниатюриларда роль ойнап кәлмәктә.
Т.Аблизова иккиси һәмкарлиқта сценарийини язған «Ана йәр сәдәплири» намлиқ қоюлум 2002-жили «Media Wave» фестивалида жуқури баһаларға еришип, улар диплом билән тәғдирләнди.
1996-жили миллий сәнъитимизниң риваҗлинишиға салмақлиқ үлүш қошқан Р.Мәхпироваға «Қазақстан Җумһурийитиниң хизмәт көрсәткән артисти» дегән шәрәплик нам берилди. У шундақла Уйғур меценатлар клуби тәрипидин тәсис қилинған «Илһам» мукапитиниң саһиби.

Алимҗан Илимоғли Әйсаев 1946-жили 25-декабрьда ШУАРдики (ХХҖ) Җағистай йезисида туғулған. Уйғур театриниң йенида ечилған икки жиллиқ актерлуқ маһарәт студиясини тамамлиған. 1966-жили Қазақ ССР Мәдәнийәт министрлигиниң йолланмиси бойичә Уйғур театриға ишқа қобул қилинип, мошу күнгә қәдәр ушбу дәргаһта паалийәт елип келиватиду.

Өткән жиллар ичидә миллий сәһнимиздә актер яратқан образлар галереяси интайин бай вә мәзмунлуқтур. Мәсилән, «Лутпулла» (муәллипи Һ.Абдуллин) драмисидики – Лутпулла, «Ғерип-Сәнәмдики» (И.Саттаров, В.Дьяков) – Әқилдар, «Шавқундики» (Һ.Абдуллин) – Ораз Жандосов, «Хотунумниң еридики» (И.Хугай) – Эльбрус, «Йәкму-йәктики» (М.Байджиев) – Әзиз, «Анархандики» (Җ.Асимов, А.Садиров) – Ловар, Сопахун һаҗим, «Парасәтсиз тәхсирдики» (Мольер) – Доран, «Анамниң ақ көйнигидики» (Ш.Хусаинов) – Сәйяр, «Шәнбә күни – тойғидики» (М.Байджиев) – Қурушбәк, «Өмәр Муһәммәдийдики» (Қ.Мәңсүров) – имам, «Ким әйипликтики» (Қ.Мәңсүров) – Мәхсәт, «Король Лирдики» (У.Шекспир) – Кент, «Ғерипләрдики» (В.Дельмар) – Купер, «Мениң билән муңдашқиндики» (Г.Насирова) – Қапан образлири шулар җүмлисидиндур.

Актер «Өмәр Муһәммәдий» драмисида яратқан Имам обризи үчүн Жезқазған шәһиридә өткән җумһурийәтлик театрлар фестивалида вә «Тәғдир ишиги» (Ш.Бошбеков) комедиясидики Хошна кишиниң роли үчүн Қирғизстанниң пайтәхти Бишкек шәһиридә өткән «Арт Ордо» хәлиқара театрлар фестивалида «Әң яхши әр роли» номинацияси бойичә ғалип аталди.

А.Әйсаев шундақла миллий сәһнимиздә қоюлған өзбәк драматурги Ө.Омарбековниң қәлимигә мәнсүп «Өз ихтияри билән...» намлиқ спектакльниң режиссери.
Пешқәдәм сәнъәткарниң узун жиллиқ әмгиги мунасип баһалинип, 2006-жили униңға «Қазақстан Җумһурийитиниң хизмәт көрсәткән әрбаби» пәхрий атиғи берилди.

Турдибүви Аблизова 1950-жили 4-мартта Алмута вилайитигә қарашлиқ Уйғур наһийәсиниң Чоң Ақсу йезисида туғулған. 1966-жили Уйғур театриниң йенида ечилған икки жиллиқ актерлуқ маһарәт студиясини тамамлиғандин башлап таки бүгүнки күнгә қәдәр мәзкүр сәнъәт дәргаһида паалийәт елип кәлмәктә.
Өткән жиллар ичидә у һәрхил жанрдики әсәрләр қәһриманлириниң образлирини муваппәқийәтлик яритиш арқилиқ көпчиликкә тонулған пешқәдәм сәнъәткарлар қатаридин орун алди. Т.Аблизова ойниған рольлар интайин нурғун. Уларниң ичидә «Пәрһат-Шерин» (муәллипи Н.Һекмәт) спектаклидики Мехменебану, «Қейинанидики» (М.Шамхалов) – Апәт, «Айман-Шолпандики» (М.Әвезов) – Айман, «Ана тәғдиридики» (Җ.Асимов) – Айнурәм, «Нурхандики» (К.Яшен) – Қумрихан, «Анархандики» (Җ.Асимов, А.Садиров) – Майимхан, «Ғерип-Сәнәмдики» (И.Саттаров, В.Дьяков) – Гүлбадәм, «Парасәтсиз тәхсирдики» (Мольер) – Журденниң аяли, «Лашмандики» (З.Сәмәдий) – Санийә, «Кавказлиқ сиңилдики» (В.Есьман, К.Крикорян) – Биби, «Бир яз, бир киштики» (М.Бақиев) – Һәвәсхан, «Паһ, жигитләрдики» (Қ.Шаңғытбаев, Қ.Байсеитов) – Нурсулу, «Аршин мал аландики» (У.Гаджибеков) – Телли, «Улар бәш қиз едидики» (Б.Васильев) – Кирьянова, «Малиновкидики тойдики» (А.Александров, Л.Юхвид) – Гапуся, «Шәнбә күни – тойғадики» (М.Байджиев) – Сайраш, «Анамниң ақ көйнигидики» (Ш.Хусаинов) – Ана, «Король Лирдики» (У.Шекспир) – Гонорилья, «Ким әйипликтики» (Қ.Мәңсүров) – Хеличә, «Дозақтики» (А.Өзүбеков) – Мәликә, «Мейизлик қизил алмидики» (Э.Хушвақтов) – Ана, «Келинләр қозғилиңидики» (С.Ахмад) – Сатқунбүви, «Ғерипләрдики» (В.Дельмар) – Купер Люси, «Мәшһур Галендики» (К.Чапек) – Маршал охшаш бирқатар рольлар актриса паалийитидики жирик рольлар болуп һесаплиниду.


Т.Аблизова шундақла көплигән концертлиқ программиларниң мәзмунлуқ өтүшигә салмақлиқ төһпә қошқан истедатлиқ риясәтчи. Униң классик шаирларниң ғәзәллирини ипадилик оқуш маһаритиму алаһидә диққәткә сазавәрдур.
2002-жили театрниң драма трупписиниң тәркивидә Венгриядә өткән хәлиқара «Media Wave» бәйнәлмиләл аудио-визуал сәнъәт фестивалиға иштрак қилип, биринчи дәриҗилик диплом билән тәғдирләнди.


Буниңдин башқа пешқәдәм сәнъәткар «Әмгәк ветерани», «Қазақстан Республикасы Тәуелсіздігіне – 10 жыл», «Ерен еңбегі үшін» медальлири билән мукапатланған.

Роза Тохтахунқизи Бәхтибаева 1953-жили 23-май күни Алмута вилайитиниң Челәк йезисида туғулған. Оттура мәлуматқа егә. 1976-жили бәдиий рәһбәрликниң тәкливигә бенаән Уйғур театриға ишқа қобул қилинип, сәнъәт саһасидики паалийитини дәсләп иҗрачи сүпитидә «Яшлиқ» ансамблидин башлиған.
Кейинирәк сәнъәткарниң актерлуққа майиллиғи аян болуп, спектакльларда роль ойнашқа тәклип қилиниду. Өзиниң дәсләпки рольлири арқилиқла режиссерларниң ишәнчисини ақлиған у һәм комедиялик, һәм трагедиялик рольларниң һөддисидин чиқишқа қадир пешқәдәм актрисилардин болуп йетилди. Шуңлашқа узун жиллар мабайнида миллий сәһнимиздә Р.Бәхтибаева яратқан образлар интайин көп. Уларниң арисида «Анархан» (муәллиплири Җ.Асимов, А.Садиров) спектаклидики – Гүлзариханниң, Петханниң, «Қайғулуқ күнләрдики» (Җ.Розиев) – Ванганянниң, «Ким кимгә ашиқтики» (В.Есьман, К.Крикорян) – Нативанниң, «Улар бәш қиз едидики» (Б.Васильев) – Соня Гурвичниң, «Келинләр қозғилиңидики» (С.Ахмад) – Сатқунбүвиниң, «Қар көчкүнидики» (Т.Жуженоғли) – қери аялниң, «Король Лирдики» (У.Шекспир) – Регананиң, «Дәрвишниң муһәббити, данишмәнлиги вә өлүмидики» (Т.Зулфиқаров) – Аниниң, «Ғерип-Сәнәмдики» (И.Саттаров, В.Дьяков) – Раһиләниң, «Ана мирасидики» (Д.Мәшүрова, М.Һошуров, М.Һезимов) – Майсимәмниң, «Мирас мончақтики» (Һ.Гүлиев) – Анарханниң рольлирини алаһидә мәмнунийәт билән тилға елишқа әрзийду.

У шундақла «Тәбәссүм» шоу-программисидики миниатюриларниң көңүлдикидәк қоюлушиғиму мунасип төһпә қошқан сәнъәткарларниң бири.
Р.Бәхтибаева 1981-жили Җ.Розиевниң «Қайғулуқ күнләр» драмисидики Ванганянниң роли үчүн «Жігер» яшлар фестивалида мәхсус дипломға егә болди.
Пешқәдәм сәнъәткарниң узун жиллиқ әмгиги инавәткә елинип, у Қазақстан Җумһурийити Мәдәнийәт министрлигиниң «Мәдениет қайраткері» бәлгүси билән мукапатланди.

Баһаргүл Абдуреһимқизи Әхмәдиева 1956-жили 29-февральда ШУАРниң (ХХҖ) Үрүмчи шәһиридә дунияға кәлгән. Тәғдир тәқазасиға бола ата-аниси билән биллә сабиқ Кеңәш Иттипақиға көчүп чиққан у 1977-жили А.Н.Островский намидики Ташкәнт дөләт театр вә бәдиий сәнъәт институтиниң «Театр вә кино актери» бөлүмини тамамлиғандин кейин Уйғур театриға ишқа қобул қилинған.
Өткән жиллар җәриянида у актриса сүпитидә театр тәнқитчилири вә тамашибинлар тәрипидин яхши қобул қилинған бирпүтүн образлар галереясини вуҗутқа кәлтүрди. Уларниң арисида «Ақ кемә» (муәллипи Ч.Айтматов) спектаклидики – бала, «Анархандики» (Җ.Асимов, А.Садиров) – Ләйлихан, «Прокурорниң ярдәмчисидики» (Н.Думбадзе) – Марика, «Төмүр хотундики» (Ш.Башбеков) – Аламәт, «Келинләр қозғилиңидики» (С.Ахмад) – Нигара, «Король Лирдики» (У.Шекспир) – Карделия, «Майсариниң ишидики» (Һ.Ниязий) – Майсарә, «Ғерип-Сәнәмдики» (И.Саттаров, В.Дьяков) – Айим Мәликә, «Алчилиқ бағдики» (А.Чехов) – Раневская, «Идиқуттики» (Ә.Һаширий) – Бөрте, «Ромео вә Джульеттидики» (У.Шекспир) – Капулетти хеним охшаш ярқин яритилған образлар бар. Буниң һәммиси актрисиниң иҗрачилиқ маһаритиниң үстүнлүгини һәм кәңдаириликлигини испатлайду.
Б.Әхмәдиеваниң сәнъәт саһасидики паалийитидә «Яшлиқ» ансамбли алаһидә орунни егиләйду. У 1977-жилдин башлап узун жиллар мабайнида Қазақстан Ленин Комсомоли мукапитиниң вә хәлиқара конкурс-фестивальларниң лауреати аталған мәзкүр ансамбльниң турақлиқ нахшичиси болди.
Кейинки жилларда Б.Әхмәдиева оқутқучилиқ паалийәт биләнму шуғуллинип кәлмәктә. У билим бәргән Т.Жүргенов намидики Қазақ миллий сәнъәт академиясиниң бир топ учумкарлири әйни вақитта Уйғур театрида устазиниң ишини давамлаштуруватиду.
Б.Әхмәдиеваниң үнүмлүк әмгиги мунасип баһалинип, у һәрхил жилларда «Құрмет» ордени (2015-ж.) вә «Ерен еңбегі үшін медали» (2004-ж.) һәм шундақла бир нәччә қетим Мәдәнийәт министрлигиниң, вилайәт, наһийә һакимлириниң Пәхрий ярлиқлири билән мукапатланди.

Пәрһатҗан Хәмитоғли Давутов 1958-жили 17-ноябрьда ШУАРниң (ХХҖ) Текәс йезисида дунияға кәлгән. Кейин ата-аниси билән биллә Қазақстан дияриға көчүп чиқип, Алмута вилайитигә қарашлиқ Уйғур наһийәсиниң Кичик Дехан йезисидики оттура мәктәпни тамамлайду. 1983-жили А.Н.Островский намидики Ташкәнт дөләт театр вә бәдиий сәнъәт институтиниң «Музыкилиқ драма театриниң актери» бөлүмини түгитип, Уйғур театриға ишқа орунлишиду.

Өткән жиллар җәриянида миллий сәһнимиздә П.Давутов тәрипидин яш әвлатқа үлгә боларлиқ дәриҗидә яритилған образлар интайин нурғун. Бу турғидин гәп қилғанда у иҗра қилған «Анархан» (муәллиплири Җ.Асимов, А.Садиров) спектаклидики – Һәмра билән Лозунбәгниң, «Шәнбә күни – тойғидики» (М.Байджиев) – Һасанниң, «Ғерип-Сәнәмдики» (И.Саттаров, В.Дьяков) – Ғерипниң, «Чәт әлликтики» (И.Хурмюзли) – Мәһәммәтниң, «Қиз жигирмигә толғандики» (С.Балғабаев) – Асқарниң, «Муқәддәс гунадики» (Иран-Ғайип) – Ахмет Байтурсыновниң, «Келинләр қозғилиңидики» (С.Ахмад) – Сәйярниң, «Король Лирдики» (У.Шекспир) – Эдмундниң, «Ипархандики» (М.Кебиров, И.Җәлилов, Қ.Абдурасулов) – ғоҗа Рәһимниң, «Бир түп алмидики» (Ә.Оразбеков) – Турсунниң, «Ялғуз ялпуздики» (Ә.Һаширий) – Қасқарауниң, «Алчилиқ бағдики» (А.Чехов) – Гаевниң, «Қәдирданлардики» (А.Садиров) – Қурманбайниң вә башқиларниң образлири көз алдимизда намайән болиду.
2003-жили Уйғур театри М.Өтемисовниң туғулғининиң 200 жиллиғиға даир уюштурулған җумһурийәтлик театрлар фестивалиға Ә.Таразиниң «Махамбет» спектакли билән қатнашти. Әйнә шу чағда қоюлумниң баш қәһримани – Махамбетниң симасини яратқан П.Давутовниң роли аммивий әхбарат васитилиридә әтраплиқ муһакимә қилинип, мутәхәссисләр тәрипидин жуқури баһаланди.
П.Давутов талантлиқ актер болуш билән биллә, һәрқандақ нахшини бабиға йәткүзүп орунлаш ихтидариға егә зил авазлиқ иҗрачидур. Униң «Нава» фольклор ансамблиниң тәркивидә вә йәккә иҗрачи сүпитидә ейтип келиватқан нахшилири тамашибинлар тәрипидин дайим қизғин қарши елиниду. У шундақла бирқатар нахшиларниң аһаңини иҗат қилған бәстикар.

П.Давутов 1992-жили Россияниң Москва шәһиридә өткән Мюзикл вә оперетта артистлириниң хәлиқара конкурсиға қатнишип, дипломант аталди. Униңдин башқа пешқәдәм сәнъәткар һәрхил жилларда Қазақстан Җумһурийити Мәдәнийәт министрлигиниң «Мәдениет қайраткері» бәлгүси вә «Қазақстан Республикасының Тәуелсіздігіне – 20 жыл» юбилейлиқ медали билән тәғдирләнди. Шундақла Уйғур меценатлири клуби тәрипидин тәсис қилинған «Илһам» мукапитиға сазавәр болди.
2021-жили болса, П.Давутовқа «Қазақстан Республикасының еңбек сіңірген қайраткері» пәхрий атиғи берилди.

Ғәйрәтҗан Қурванҗаноғли Тохтибақиев 1960-жили 13-ноябрьда Алмута вилайитиниң Уйғур наһийәсигә қарашлиқ Түгмән йезисида туғулған. Мәзкүр йезидики оттура мәктәпни тамамлиғандин кейин, 1978-жили Н.Островский намидики Ташкәнт дөләт театр вә бәдиий сәнъәт институтиға оқушқа чүшүп, ушбу дәргаһта «Театр вә кино артисти» мутәхәссислиги бойичә тәһсил көриду. Андин Қазақстанға қайтип келип, йолланма билән 1983-жили җумһурийәтлик Уйғур театриға ишқа орунлишиду.
Ғ.Тохтибақиев актерлуқ паалийитини башлиған дәсләпки күнләрдин башлапла өзигә тапшурулған вәзипә һөддисидин шәрәплик чиқишқа муваппәқ болған сәнъәткарларниң бири. Болупму униң иҗра қилмақчи болған қәһриманиниң ички дуниясиға чоңқур чөкүп, алаһидиликлирини һәртәрәплимә ечип беришкә интилиши алаһидә диққәтни җәлип қилиду. Шу сәвәптин у мүҗәз-хулқи бир-биригә тамамән охшимайдиған һәртүрлүк қәһриманларниң обризини муваппәқийәтлик яритишқа қадир. Буниңға төвәндә бериливатқан бәзибир спектакльлардики у иҗра қилған рольлар тизимиму гувалиқ қилса керәк: «Анархандики» (муәллиплири Җ.Асимов, А.Садиров) – Сайит, Буқа мәзин, Мухпул; «Ғерип-Сәнәмдики» (И.Саттаров, В.Дьяков) – Һапиз, Җәмшит; «Келинләр қозғилиңидики» (С.Ахмад) – Әсқәр; «Анамниң ақ көйнигидики» (Ш.Хусаинов) – Әхмәт бовай; «Назугумдики» (Т.Тохтәмовниң романи асасида сәһнилик үлгисини тәйярлиған Г.Насирова) – Гүлмәт бовай; «Қәриздики» (И.Зайир) – Нур бовай; «Қар көчкинидики» (Т.Жуженоғли) – бовай; «Король Лирда» (У.Шекспир) – Герцог Альбанский; «Баянчурда» (А.Самсақов) – Баға Тарқан; «Ялғуз ялпуздики» (Ә.Һаширий) – Сейит; «Тәнһа юлтуздики» (Н.Аббасхан) – Шухрат; «Бир түп алмидики» (Ә.Оразбеков) – Әркин; «Идиқуттики» (Ә.Һаширий) – Исән Төмүр; «Қәшқәрдә мәшъәлдики» (А.Бавдинов) – Джек әпәндим; «Ромео вә Джульеттидики» (У.Шекспир) – Капулетта вә башқилар.
Буниңдин башқа Ғ.Тохтибақиев нахшиниму бабиға йәткүзүп орунлайду. Униң шундақла «Тәбәссүм» шоу-программисидики миниатюриларниң тәләпләр дәриҗисидә иҗра қилинип, улардики ғайә-мәхсәтләрниң тамашибинларниң сәвийәсигә дәл йетишигә қошуватқан төһписиму зор.

Миллий сәнъитимизни риваҗландуруш йолида тинимсиз әмгәк қилип келиватқан сәнъәткар «Мәдениет қайраткері» бәлгүсиниң саһиби атилип, бирнәччә қетим Қазақстан Җумһурийити Президентиниң Пәхрий ярлиқлири билән тәғдирләнди. Шундақла у «Қазақстанлиқ саһалиқ мәдәнийәт, спорт, туризм вә әхбарат хадимлириниң кәспий иттипақи» җәмийәтлик бирләшмисиниң «Еңбек даңқы» төшбәлгүсини елишқа сазавәр болди.

Турған Һевизоғли Һезимов 1965-жили 19-августта Алмута (һазирқи Йәттису) вилайитиниң Панфилов наһийәсигә қарашлиқ Пәнҗим йезисида дунияға кәлгән. 1988-жили Алмута дөләт театр вә бәдиий сәнъәт институтиға оқушқа чүшүп, уни 1993-жили «Музыкилиқ театр актери» мутәхәссислиги бойичә тамамлайду. 2001-жилдин башлап Қ.Ғоҗамияров намидики җумһурийәтлик дөләт Уйғур музыкилиқ комедия театрида әмгәк қилип келиватиду.


У театрға кәлгән дәсләпки күнләрдин башлапла бу дәргаһтики иҗадий паалийәткә қизғин киришип кәтти. Шуниң нәтиҗисидә театрдики тәҗрибиси мол йетәкчи актерларниң қатаридин орун алған у һазирму нурғунлиған спектакльларда баш вә эпизодлуқ рольларни иҗра қилип кәлмәктә. У яратқан «Анархан» (муәллиплири Җ.Асимов, А.Садиров) спектаклидики – Бәхтияниң, «Ғерип-Сәнәмдики» (И.Саттаров, В.Дьяков) – Һапизниң, «Өмәр Муһәммәдийдики» (Қ.Мәңсүров) – Өмәрниң, «Диванидики» (Р.Мадиев) – Арупниң, «Анамниң ақ көйнигидики» (Ш.Хусаинов) – Сәйярниң, «Махамбеттики» (Ә.Тарази) вә «Қәшқәрийәдики» (Ш.Шаваев, Иран-Ғайип) – Ч.Вәлихановниң, «Аманнисахандики» (М.Абдурахманов, М.Һезимов) – Қидирханниң, «Гүлдәстидики» (Т.Юнус, Г.Насирова) – Мухтәрниң, «Цыган серенадисидики» (И.Сапарбай) – Абзалниң, «Мениң билән муңдашқиндики» (Г.Насирова) – ақлиғучиниң вә башқиму қәһриманларниң образлири тамашибинларниң қәлб төридин орун алған.

Т.Һезимов буниңдин башқа «Тәбәссүм» һәзил-күлкә кечи билән бирқатар концертлиқ программиларниң көңүлдикидәк өтүшигә актер һәм риясәтчи сүпитидиму салмақлиқ үлүшини қошуп келиватиду.
Әйнә шу хилдики көпжиллиқ әмгиги мунасип баһалинип, у «Қазақстан Республикасының Тәуелсіздігіне – 25 жыл» юбилейлиқ медали, «Мәдениет саласының үздігі» төшбәлгүси вә Мәдәнийәт министрлигиниң Пәхрий ярлиғи билән мукапатланған.

Заһидәм Өмәрқизи Нәсирдинова 1959-жили 17-октябрьда Алмута вилайитигә қарашлиқ илгәрки Челәк (һазирқи Әмгәкчиқазақ) наһийәсиниң Маливай йезисида туғулған. 1978-жили А.Н.Островский намидики Ташкәнт дөләт театр вә бәдиий сәнъәт институтиға оқушқа чүшүп, «Музыкилиқ комедия актери» мутәхәссислиги бойичә тәһсил көриду. 1983-жили йолланма арқилиқ Қазақстанға қайтип келип, Қ.Ғоҗамияров намидики Җумһурийәтлик дөләт Уйғур музыкилиқ комедия театриға ишқа орунлишиду.

Талантлиқ актриса театрда ишләш жәриянида көплигән спектакльларда һәрхил рольларни маһирлиқ билән иҗра қилип кәлмәктә. Мәсилән у «Ғерип-Сәнәм» (муәллиплири И.Саттаров, В.Дьяков) спектаклида – Гүлбадәмниң, «Келинләр қозғилиңида» (С.Ахмад) – Лютфиниң, «Бир түп алмида» (Ә.Оразбеков) – Алияниң, «Илтимас, ериңизни сетиңада» (М.Задорнов) – Елена Владимировнаниң, «Идиқутта» (Ә.Һашири) – Бөртениң, «Дозақта» (А.Өзүбеков) – Санийәниң, «Бөшүк нахшисида» (Т.Минулин) – Вәзипәниң, «Кәчүр мени, җеним анада» (Р.Батули) – Гүлзерәкниң, «Билал Назимда» (Ш.Шаваев) – кенизәкниң, «Өмәр Муһәммәдийдә» (Қ.Мәңсүров) – Руқийәмниң, «Шәнбә күни – тойғада» (М.Байджиев) – Наираниң, «Қәриздә» (И.Зайир) – Хафизаниң, «Баянчурда» (А.Самсақов) – Толунайниң, «Ялғуз ялпузда» (Ә.Һашири) – Нурнисаниң, «Анарханда» (Җ.Асимов, А.Садиров) – Петханниң, «Ромео вә Джульеттида» (У.Шекспир) – Монтеки ханумниң, «Қар көчкүнидә» (Т.Жуженоғли) – аялниң, «Ай тутулған түндә» (М.Кәрим) – Танқабикениң, «Африкилиқ күйоғулда» (Ә.Әхмәтов) – Раһиләмниң, «Тәнһа юлтузда» (Н.Аббасхан) – Җәмиләмниң, «Назугумда» (Т.Тохтәмов романи асасида сәһнилик үлгисини тәйярлиған Г.Насирова) – қери дедәкниң, «Тәғдир қисмитидә» (Д.Мәшүрова) – Арзигүл Хамитовнаниң, «Алчилиқ бағда» (А.Чехов) – Раневскаяниң, «Чарбағда» (Ә.Һашири) – Нур Аниниң вә шуниңға охшаш онлиған қәһриманларниң образлирини яратти.


Заһидәм Өмәрқизиниң миллий сәнъитимизни риваҗландурушқа қошқан әмгиги мунасип баһалинип, у саһа министрлиги тәрипидин «Мәдениет саласының үздігі» төшбәлгүси билән тәғдирләнди.

Рашидәм Асимқизи Һәмраева 1961-жили 25-майда туғулған. А.Н.Островский намидики Ташкәнт дөләт театр вә бәдиий сәнъәт институтини тамамлиған. 1983-жилдин етиварән Қазақ ССР Мәдәнийәт министрлигиниң йолланмиси бойичә Уйғур театрида әмгәк қилип келиватиду.


У театрға ишқа кәлгән дәсләпки күнләрдин башлапла өзини келәчигидин зор үмүт күткүзидиған сәнъәткар сүпитидә тонутушқа қадир болалиди. Болупму униң С.Балғабаевниң «Қиз жигирмигә толғанда» намлиқ спектаклида ойниған дәсләпки роли интайин утуқлуқ болуп, истиқбалиға кәң йол ачти. Шуниңдин кейин у миллий сәһнимиздә қоюлған көплигән спектакльларда һәрхил образларни утуқлуқ яритип, мухлислириниң қәлб төридин орун алди. Мәсилән у иҗра қилған «Анархан» (автори Җ.Асимов, А.Садиров) спектаклидики – Ләйлихан, Петхан, Қушнач, «Ғерип-Сәнәмдики» (И.Саттаров, В.Дьяков) – Рәһилә, Гүлбадәм, «Ромео вә Джульеттидики» (У.Шекспир) – Иникана, «Чарбағдики» (Ә.Һашири) – Нур ана, «Назугумдики» (Т.Тохтәмовниң романи асасида инсценировкисини язған Г.Насирова) – Нурванәм момай, «Қәриздики» (И.Зайир) – Халидә, «Тәнһа юлтуздики» (Н.Аббасхан) – Манзура, «Баянчурдики» (А.Самсақов) – Айчечәк, «Ана мирасидики» (Д.Мәшүрова, М.Һошуров, М.Һезимов) – Руқийәм, «Ғунчәмдики» (З.Қадирий) – Шарванхан, «Келинләр қозғилиңидики» (С.Ахмад) – Меһри, Бостан, «Мирас мончақтики» (Һ.Гулиев) – африкилиқ аял, «Мейизлик қизил алмидики» (Э.Хушвахтов) – қуда, «Бөшүк нахшисидики» (Т.Минулин) – Гүлфина, «Аршин мал аландики» (У.Гаджибеков) – Телли рольлири вә башқилар шулар җүмлисидиндур.
Тәбиитидин һәзил-чақчаққа майил болған актриса «Тәбәссүм» шоу программисидики миниатюриларғиму паал иштрак қилип, комедиялик рольларниму бабиға йәткүзүп иҗра қилип кәлмәктә.

Сәнъәт саһасидики узун жиллиқ әмгиги бәдилигә «Мәдениет саласының үздігі» төшбәлгүси вә «Қазақстан Республикасының Тәуелсіздігіне – 20 жыл» медали билән тәғдирләнгән.

Дилшат Әмирдиноғли Аманбаев 1980-жили 12-сентябрьдә Алмута вилайитиниң Панфилов наһийәсигә қарашлиқ Пәнҗим йезисида туғулған. Т.Жүргенов намидики Қазақ дөләт сәнъәт академиясини «Иҗрачилиқ маһарити» мутәхәссислиги бойичә тамамлиған.

Қазақстан Җумһурийити Мәдәнийәт вә әхбарат министрлигиниң йолланмисиға мувапиқ 2001-жилдин башлап Җумһурийәтлик дөләт академиялиқ Уйғур музыкилиқ комедия театрида паалийәт елип келиватиду.

Театрда ишлигән жиллар җәриянида у өзини келәчигидин зор үмүт күткүзидиған талантлиқ актер сүпитидә көрсәтти. У «Махмут Қәшқәрий» (муәллипи Ә.Әхмәтов) спектаклида – Махмут Қәшқәрийниң, «Қош юлтузда» (Й.Мухлисов) – Йүсүп Хас Һаҗипниң, «Идиқутта» (Ә.Һашири) – Баурчуқ Арт Текинниң, «Қәшқәрдә мәшъәлдә» (А.Бавдинов) – Абдуқадир Дамоллиниң, «Анарханда» (Җ.Асимов, А.Садиров) – Һәмраниң, «Ғерип-Сәнәмдә» (И.Саттаров, В.Дьяков) – Ғерипниң, «Мениң билән муңдашқинда» (Г.Насирова) – Илияниң, «Дәрвишниң муһәббити, данишмәнлиги вә өлүмидә» (Т.Зулфиқаров) – Дәрвишниң, «Гүлдәстидә» (Т.Юнус, Г.Насирова) – Миршатниң, «Махамбетта» (Ә.Тарази) – Зулқәрнәйниң, «Мурагерлердә» (Д.Исабеков) – Сызғановниң, «Ипарханда» (М.Кебиров, И.Җәлилов, Қ.Абдурасулов) – Ғоҗа Җаһанниң вә башқиларниң рольлирини интайин утуқлуқ иҗра қилди.
Мәптункар авазға һәм сәһнигә лайиқ ташқи қияпәткә егә болған униң концерт программилиридиму өзигә мувапиқ орни бар. Сәнъәт саһасидики үнүмлүк әмгиги нәтиҗисидә «Мәдениет саласының үздігі» төшбәлгүси вә икки қетим Театр хадимлири иттипақиниң дипломи һәм Мәдәнийәт министрлигиниң Пәхрий ярлиғи билән тәғдирләнди. Шундақла у «Илһам» мукапитиниң саһиби.

Халмурат Хәйруллаоғли Мунаров 1975-жили 6-ноябрьда Алмута вилайитиниң Уйғур наһийәсигә қарашлиқ Ғалҗат йезисида туғулған. Т.Жүргенов намидики Қазақ дөләт сәнъәт академиясини «Иҗрачилиқ маһарити» мутәхәссислиги бойичә тамамлиған.
Қазақстан Җумһурийити Мәдәнийәт министрлигиниң йолланмисиға мувапиқ 2001-жилдин башлап Җумһурийәтлик дөләт Уйғур музыкилиқ комедия театрида драма артисти сүпитидә паалийәт елип келиватиду.

Өткән жиллар давамида өз кәспиниң қир-сирини йетүк өзләштүргән талантлиқ актер ретидә онлиған спектакльларда роль ойнап, һәрхил образлар галериясини яратти. Уларниң арисида «Қәшқәрий» (муәллипи Ә.Әхмәтов) спектаклидики – устазниң, «Аршин мал аландики» (У.Гаджибеков) – Велиниң, «Идиқуттики» (Ә.Һаширий) – Чағатайниң, «Ялғуз ялпуздики» (Ә.Һаширий) – Баратахунниң, «Ромео вә Джульеттидики» (У.Шекспир) – Капулеттиниң, «Өмәр Муһәммәдийдики» (Қ.Мәңсүров) – рәисниң, «Баянчурдики» (А.Самсақов) – Тайниң, «Ай тутулған түндики» (М.Кәрим) – Рысқулниң, «Бовақтики» (И.Зайниев) – Рудольфниң, «Келинләр қозғилиңидики» (С.Ахмад) – Һакимниң, «Қош юлтуздики» (Й.Мухлисов) – Ишанниң, «Майсариниң ишидики» (Һ.Ниязи) – Һидайәтниң вә башқларниң рольлирини алаһидә мәмнунийәт билән тилға елишқа әрзийду.

У шундақла нахша ейтишқа һәм һәрхил саз-әсваплирини челишқа қадирлиғи биләнму пәриқлиниду. Хәлиқ ичидә аммибаплиққа егә болған «Тәбәссүм» шоу-программисиниң паал иштракчиси.

Сәнъәт саһасидики тиришчанлиғиниң нәтиҗисидә Мәдәнийәт министрлигиниң Пәхрий ярлиғи билән мукапатланған.

Риссам Тиләпҗаноғли Мамутов 1977-жили 31-августта Алмута вилайитиниң Уйғур наһийәсигә қарашлиқ Ават  йезисида туғулған. Оттура мәктәпни түгәткәндин кейин Т.Жүргенов намидики Қазақ дөләт театр вә кино институтида (һазирқи Қазақ миллий сәньәт академияси) тәһсил көриду. 2001-жили Қазақстан Җумһурийити Мәдәнийәт вә әхбарат министрлигиниң йолланмиси бойичә Җумһурийәтлик дөләт Уйғур музыкилиқ комедия театриға ишқа қобул қилинип, бүгүнгә қәдәр паалийитини шу дәргаһта давамлаштуруп кәлмәктә.
Өткән жиллар җәриянида у өзини кәспигә чин муһәббәт бағлиған, жүкләнгән вәзипә һөддисидин чиқалайдиған актер сүпитидә тонутти. Шу хисләтлири түпәйли йеңи вә театр репертуаридин турақлиқ орун алған бирқатар спектакльларда баш һәм қошумчә рольларни иҗра қилиш арқилиқ тамашибинларниң сий-илтипатиға бөләнди. У иҗра қилған «Анархан» (муәллиплири Җ.Асимов, А.Садиров) спектаклидики – Һәмраниң, «Ғунчәмдики» (З.Қадирий) – Нурумниң, «Ғерип-Сәнәмдики» (И.Саттаров, В.Дьяков) – Ғерипниң, «Аманнисахандики» (М.Абдурахманов, М.Һезимов) – Абдурешитханниң, «Баянчурдики» (А.Самсақов) – Баянчурниң, «Ялғуз ялпуздики» (Ә.Һаширий) – Җәмшитниң, «Бир түп алмидики» (Ә.Оразбеков) – Мәхсәтниң, «Аршин мал аландики» (У.Гаджибеков) – Әсқәрниң, «Назугумдики» (Т.Тохтәмов романи асасида сәһнилик үлгисини тәйярлиған Г.Насирова) – Бақиниң, «Мениң билән муңдашқиндики» (Г.Насирова) – Муқағали Мақатаевниң, «Қәшқәрдә мәшъәлдики» (А.Бавдинов) – Мәвланә устазниң, «Ләйли-Мәҗнундики» (Ш.Хуршид) – Ә.Наваийниң вә башқиларниң образлири надирлиғи, салмақлиқлиғи билән пәриқлиниду.
Р.Мамутов шундақла «Сада» ансамблиниң тәркивидә вә башқиму концертлиқ программиларда һәрхил нахшиларни орунлап, тамашибинларниң иллиқ ихласиға бөлүнүп келиватқан бом авазға егә талантлиқ нахшичидур.
Сәнъәткар 2014-жили Қазақстан Җумһурийити Мәдәнийәт министрлигиниң Пәхрий ярлиғи билән тәғдирләнди.

Аминәм Абдуллақизи Үсәнова 1970-жили 14-декабрьда Алмута вилайитиниң Талғир наһийәсигә қарашлиқ Шеңгелди йезисида туғулған. 1987-жили мәзкүр наһийәниң Калинин (һазирқи Туздыбастав) йезисидики 31-мәктәпни тамамлап, Т.Жүргенов намидики Алмута дөләт театр вә бәдиий сәнъәт институтиға оқушқа чүшиду. Ушбу оқуш орнини «Музыкилиқ театр актери» мутәхәссислиги бойичә түгәткән у 1993-жили Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театриға ишқа қобул қилинип, паалийитини мошу дәргаһта давамлаштуруп кәлмәктә.

Бүгүнки күнгә қәдәр А.Үсәнова баш һәм оттура дәриҗилик рольларни чоң маһарәт билән иҗра қилған спектакльлар интайин нурғун. Мәсилән, у «Өмәр Муһәммәдий» (муәллипи Қ.Мәңсүров) спектаклида – Руқийәмниң, «Келинләр қозғилиңида» (С.Ахмад) – Нигараниң, «Махамбетта» (Ә.Тарази) – Фатиманиң, «Ғерип-Сәнәмдә» (И.Саттаров, В.Дьяков) – Маликаниң, «Бөшүк нахшисида» (Т.Минулин) – Валентининиң, «Аршин мал аланда» (У.Гаджибеков) – Асяниң, «Гүлдәстидә» (Т.Юнус, Г.Насирова) – Гүлҗәннәтниң, «Идиқутта» (Ә.Һашири) – қитан қизиниң, «Мәҗнун жигитләрдә» (Б.Мұқай) – Айжанниң, «Мениң билән муңдашқинда» (Г.Насирова) – коммунистниң вә башқиму қәһриманларниң образлирини утуқлуқ яритиш арқилиқ көпчиликкә тонулди.

У өзини кәспий җәһәттин һәртәрәплимә йетилдүрүшкә дайим интилип келиватқан сәнъәткарларниң бири. Мәсилән униң «ДосSTAR» яш оперетта иҗрачилириниң І очуқ конкурсиға иштрак қилип, мәзкүр чарә даирисидә уюштурулған Белорусь Җумһурийитиниң хәлиқ артисти Н.В.Гайда, Қазақстан Җумһурийитиниң хизмәт көрсәткән әрбаби, М.Глинка намидики хәлиқара конкурсниң лауреати У.М.Кенжебеков охшаш атақлиқ шәхсләрниң маһарәт дәрислиригә қатнашқанлиғи шуниңға купайә.

Һәрқандақ адәмни мәһлия қиливалидиған «сопрано» авазлиқ А.Үсәнова пәқәт спектакльларда роль иҗра қилипла қалмай, шуниң билән биллә театр тәрипидин уюштурулуватқан һәрхил кәчләрниң, концертларниң кәспий дәриҗидә өтүшигә риясәтчи һәм нахшичи сүпитидиму мунасип үлүшини қошуп келиватиду.

Шу хилдики издинишлириниң нәтиҗисидә у 2003-жили М.Өтемисовниң туғулғининиң 200 жиллиғиға даир уюштурулған ХІ җумһурийәтлик театр фестивалида әң яхши аял обризини яратқанлиғи үчүн мәхсус диплом билән тәғдирләнди. Буниңдин башқа сәнъәт саһасидики узун жиллиқ әмгиги инавәткә елинип, у Қазақстан Җумһурийити Мәдәнийәт министрлигиниң, Уйғур наһийәси һакиминиң Пәхрий ярлиқ вә Тәшәккүрнамилири, шундақла «Қазақ ханлиғиға – 550 жил» юбилейлиқ медали һәм «Мәдениет саласының үздігі» төшбәлгүси билән мукапатланди.

Саһирәм Олалимқизи Шәрипова 1971-жили 7-январьда Алмута вилайитиниң Уйғур наһийәсигә қарашлиқ Кичик Дехан йезисида туғулған. 1993-жили Т.Жүргенов намидики Алмута дөләт театр вә бәдиий сәнъәт институтини «Театр вә кино актери» мутәхәссислиги бойичә тамамлиған.


2002-жили Қ.Ғоҗамияров намидики җумһурийәтлик дөләт Уйғур музыкилиқ комедия театрида ишқа қобул қилинған у дәсләп хор артисти, 2015-жилдин башлап драма артисти сүпитидә меһнәт қилип келиватиду.


Өз вақтида С.Шәрипованиң дипломлуқ иши болуп һесапланған «Ғерип-Сәнәм» спектаклидики Мәликиниң роли мутәхәссисләр тәрипидин жуқури баһаланған еди. Мана шуниңдин бери у шу дәриҗидин төвән чүшмәй, миллий сәһнимиздә нурғунлиған баш һәм умумий көрүнүштики қәһриманларниң надир образлирини яритип кәлмәктә. Мәсилән, у ойниған «Ғерип-Сәнәм» (муәллиплири И.Саттаров, В.Дьяков) спектаклидики – Гүлбадәмниң, «Бөшүк нахшисидики» (Т.Минулин) – Алтыншанниң, «Ипархандики» (М.Кебиров, И.Җәлилов, Қ.Абдурасулов) – Ипарханниң, «Аманнисахандики» (М.Абдрахманов, М.Изимов) – Зүләйханиң, «Ялғуз ялпуздики» (Ә.Һаширий) – Бостангүлниң, «Махмут Қәшқәрийдики» (Ә.Әхмәтов) – Аниниң, «Мәҗнун жигитләрдики» (Б.Муқай) – Сайраниң, «Мұрагерлердики» (Д.Исабеков) – Сызғанованиң, «Анархандики» (Җ.Асимов, А.Садиров) – Гүлзарханниң, «Тәғдир қисмитидики» (Д.Мәшүрова) – қазақ аялниң, «Ана мирасидики» (Д.Мәшүрова, М.Һошуров, М.Һезимов) – Сәулениң рольлири интайин утуқлуқ чиққанлиғи билән тамашибинларниң ядида қалди.

Саһирәм Олалалимқизи пәқәт қабилийәтлик актриса болупла қалмай, шуниң билән биллә йеқимлиқ авазға егә нахшичи һәм сазәндидур. Шу түпәйли у ушбу хисләтлирини инавәткә елип, айрим рольларни иҗра қилишқа тәклип қилған режиссерларниң ишәнчисини толуқ ақлап келиватиду.

Саһибәм Турсунқизи Норузова 1967-жили 13-мартта Алмута вилайитигә қарашлиқ Уйғур наһийәсиниң Түгмән йезисида туғулған. Шу йезида оттура мәктәпни тамамлиғандин кейин П.Чайковский намидики музыкилиқ училищениң уйғур бөлүмидә тәһсил көриду. 1990-жили Қ.Ғоҗамияров намидики Җумһурийәтлик дөләт Уйғур музыкилиқ комедия театриға ишқа қобул қилиниду. У сәнъәт саһасидики паалийитини «Яшлиқ» ансамблиниң тәркивидә сазәндә болуштин башлап, кейин «Нава», «Сада» ансамбльлириниң тәркивидиму сазәндә, нахшичи вә риясәтчи сүпитидә хизмәт қилиду.

1997-жилдин етиварән С.Норузова көпчиликкә йеңи қири билән тонулушқа башлиди. Йәни у «Тәбәссүм» шоу-программисидики миниатюриларға иштрак қилип, күлкә маһири сүпитидә тамашибинларниң иллиқ ихласиға бөләнди. Шуниң билән биллә өзиму миниатюриларни иҗат қилип, бирқатар концерт программилириниң сценарий муәллипи болди.

Кейинки жилларда С.Норузова спектакльлардиму рольларни иҗра қилип, өзиниң һәртәрәплимә қабилийәткә егә екәнлигини тәнтәнә қазандуруп кәлмәктә. Мәсилән униң «Алмилиқ бағ» (А.Чехов) комедиясидики – Шарлотта, «Тәнһа юлтуз» (Н.Аббасхан) спектаклидики – күндәш вә «Қәдирданлар» (А.Садиров) драмисидики – Сәуле, «Әтивари йоқ пенсионер» (М.Дәраев) комедиясидә – Мәрийәм рольлири әйнә шуниң ярқин испатидур.

У 2002-жили І җумһурийәтлик «Жас Алаш» сатира вә юмор конкурсиға қатнишип, «Надир жанр» номинацияси бойичә ғалип аталди. Шундақла узун жиллиқ әмгиги инавәткә елинип, саһа министрлиги тәрипидин «Мәдениет саласының үздігі» төшбәлгүси билән тәғдирләнди.

Турсунҗан Тудахуноғли Илиев 1990-жили 8-июньда туғулған. 2007-жили Алмута вилайитигә қарашлиқ Уйғур наһийәсиниң Ардолата йезисидики оттура мәктәпни тамамлап, андин Т.Жүргенов намидики Қазақ Миллий сәнъәт академиясида тәһсил көриду. 2012-жилдин етиварән Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида хизмәт қилип келиватиду.
Әйни вақитта Т.Илиев театрдики әң паалийәтчан актерларниң бири. Бу униң өзигә тапшурулған һәрқандақ рольниң маһийитигә чөкүп, әстаидил орунлашқа тиришидиғанлиғиға мунасивәтликтур. Шу сәвәптин режиссерлар уни спектакльларда баш вә эпизодлуқ рольларни ойнашқа көпләп җәлип қилмақта. Мәсилән, у «Ғерип-Сәнәм» (муәллиплири И.Саттаров, В.Дьяков) спектаклида – Һасан вәзирниң, «Баянчурда» (А.Самсақов) – Баянчурниң, «Назугумда» (Т.Тохтәмов романи асасида сәһнилик үлгисини тәйярлиған Г.Насирова) – Мотебуниң, «Қош юлтузда» (Й.Мухлисов) – Йүсүп Хас Һаҗипниң, «Махмут Қәшқәрийдә» (Ә.Әхмәтов) – Кәйшиниң, «Алчилиқ бағда» (А.Чехов) – Лопахинниң, «Қәриздә» (И.Зайир) – Әсәтбәгниң, «Анарханда» (Җ.Асимов, А.Садиров) – Ловарниң, «Аршин мал аланда» (У.Гаджибеков) – Султанбәгниң, «Аманнисаханда» (М.Абдурахманов, М.Һезимов) – Рәхмитуллиниң вә башқиларниң образлирини утуқлуқ яритип, тамашибинларниң иллиқ ихласиға бөләнди.

Т.Илиев шундақла хәлиқ арисида интайин аммибап болған «Тәбәссүм» шоу-программисиниңму паал иштракчиси.

Муһидин Мирзалимоғли Варисов 1987-жили 11-февральда Алмута вилайитиниң Уйғур наһийәсигә қарашлиқ Ават  йезисида туғулған. 2006-жили Ж.Елебеков намидики эстрада-цирк сәнъити колледжини түгәткәндин кейин, Уйғур театридики «Рухсарә» уссул ансамблиға ишқа қобул қилиниду. Андин билимини техиму мукәммәлләштүрүш мәхситидә Т.Жүргенов намидики Қазақ Миллий сәнъәт академиясидә тәһсил көрүп, «Музыкилиқ театр актери» мутәхәссислигини өзләштүргән у әйни вақитта мәзкүр сәнъәт дәргаһида актер сүпитидә паалийитини давамлаштуруп келиватиду.


Қисқа вақитниң ичидә өзиниң өткүр қабилийәт егиси екәнлигини намайиш қилип үлгәргән М.Варисов һәрхил спектакльларда баш, иккинчи пландики вә эпизодлуқ рольларни иҗра қилиш арқилиқ тамашибинларни қайил қилип кәлмәктә. Мәсилән, у «Майсариниң иши» спектаклида (муәллипи Һ.Ниязи) – Чутәнәлиниң, «Ана мирасида» (Д.Мәшүрова, М.Һошуров, М.Һезимов) – уссулчи вә муқамчи бовайниң, «Баянчурда» (А.Самсақов ) – Ташбәгниң, «Ромео вә Джульеттида» (У.Шекспир) – Парисниң, «Алчилиқ бағда» (А.Чехов) – Лопахинниң, «Қәшқәрийдә» (Ә.Әхмәтов) – Махмут Қәшқәрийниң, «Қош юлтузда» (Й.Мухлисов) – Бәһрәмниң, «Қәшқәрдә мәшъәлдә» (А.Бавдинов) – Һошур сеғизғанниң, «Мирас мончақта» (Һ.Гүлиев) – Мишаниң, «Назугумда» (Т.Тохтәмовниң романи асасида сәһнилик үлгисини тәйярлиған Г.Насирова) – Иминахунниң, «Дәттикамда» (Һ.Гүлиев) – Һашим кекәчниң, «Қәдирданларда» (А.Садиров) – адвокатниң, «Мениң билән муңдашқинда» (Г.Насирова) – Илия Бәхтияниң, «Мәҗнун жигитләрдә» (Б.Муқай) – Жан Исламовниң, «Мәшһур Галенда» (К.Чапек) – Галенниң вә башқиларниң рольлирини жуқури маһарат билән орунлиди.

Сәнъәткарниң актерлуқ паалийити тоғрилиқ гәп қилғанда, болупму униң комедиялик рольларни иҗра қилишқа бәк майил екәнлигини қәйт қилған орунлуқ. Шу қабилийити түпәйли һазир у «Тәбәссүм» һәзил-күлкә программисиниң асасини салған пешқәдәм сәнъәткарларниң паалийитини мувапиқ дәриҗидә давамлаштуруп келиватқан санақлиқ күлкә маһирлириниң бири болуп санилиду.

Шу хилдики иҗадий издинишлириниң нәтиҗисидә у Қазақстан Җумһурийити Мәдәнийәт вә спорт министрлигиниң Пәхрий ярлиғи билән мукапатланди.

Алийәм Мәһәмәтҗанқизи Ибдиминова 1980-жили 18-майда Алмута вилайитиниң Уйғур наһийәсигә қарашлиқ Дардамту йезисида туғулған. 1997-жили мәзкүр йезидики оттура мәктәпни тамамлап, андин Т.Жүргенов намидики Қазақ дөләт сәнъәт академиясида «Иҗрачилиқ маһарити» мутәхәссислиги бойичә тәһсил көриду. Қазақстан Җумһурийити Мәдәнийәт вә әхбарат министрлигиниң йолланмисиға асасән 2001-жилдин башлап Қ.Ғоҗамияров намидики Җумһурийәтлик дөләт Уйғур музыкилиқ комедия театрида паалийәт елип келиватиду.

Театрниң турақлиқ тамашибинлириниң арисида А.Ибдиминованиң актерлуқ паалийитини яқтуридиған мухлислар аз әмәс. Чүнки у «Анархан» (муәллиплири Җ.Асимов, А.Садиров) спектаклидики – Анархан, «Ғерип-Сәнәмдики» (И.Саттаров, В.Дьяков) – Гүлбадәм, «Аманнисахандики» (М.Абдрахманов, М.Һезимов) – Гүләндәм, «Назугумдики» (Т.Тохтәмов романи асасида сәһнилик үлгисини тәйярлиған Г.Насирова) – Ана, «Аршин мал аландики» (У.Гаджибеков) – Асия, «Алчилиқ бағдики» (А.Чехов) – Варя, «Тәнһа юлтуздики» (Н.Аббасхан) – Манзура, «Мурагерлердики» (Д.Исабеков) – Салиха, «Ана мирасидики» (Д.Мәшүрова, М.Һошуров, М.Һезимов) – Гүли қатарлиқ вә башқиму һәрхил дәриҗидики рольларни маһиранә орунлаш арқилиқ уларниң қәлбигә йол салалиған актрисиларниң бири. Мәптункар авази болса, айрим қәһриманларниң образлирини техиму утуқлуқ яритишқа имканийәт бериду.

Қазақстан Җумһурийити Мәдәнийәт министрлигиниң Пәхрий ярлиғи билән мукапатланған.

Мәһәмидин Зәйнидиноғли Савутов 1987-жили 18-декабрьда Алмута вилайитиниң Уйғур наһийәсигә қарашлиқ Ават йезисида туғулған. Мәзкүр йезидики оттура мәктәпни түгәткәндин кейин, 2008 – 2012-жиллар арилиғида Т.Жүргенов намидики Қазақ миллий сәнъәт академиясидә «Иҗрачилиқ маһарити» мутәхәссислиги бойичә билим алиду. 2012-жилдин башлап Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида хизмәт қиливатиду.

Сәнъәт дәргаһида паалийәт елип бериватқан жиллар җәриянида у бирқатар спектакльларда һәрхил қәһриманларниң образлирини яритиш арқилиқ актерлуқ кәсипниң қир-сирлирини мукәммәл өзләштүрүшкә тиришип кәлмәктә. У ойниған «Анархан» (Җ.Асимов, А.Садиров) спектаклидики – Султанбайниң, «Идиқуттики» (Ә.Һаширий) – Ангурат ноянниң, «Баянчурдики» (А.Самсақов) – Тарқанниң, «Ромео вә Джульеттидики» (У.Шекспир) – Лоренониң, «Алчилиқ бағдики» (А.Чехов) – Яшаниң, «Қәдирданлардики» (А.Садиров) – Қурманбайниң, «Қәшқәрдә мәшъәлдики» (А.Бавдинов) – Һәмра байниң, «Махмут Қәшқәрийдики» (Ә.Әхмәтов) – Сәмәрқәнд ханиниң, «Назугумдики» (Т.Тохтәмов романи асасида сәһнилик үлгисини тәйярлиған Г.Насирова) – дәрвишниң, «Майсариниң ишидики» (Һ.Ниязий) – қазиниң вә башқиларниң рольлири әйнә шуниңдин далаләт бериду.

Үмүтҗан Қасимоғли Қасимов 1985-жили 14-январьда Алмута вилайитидики Уйғур наһийәсиниң мәркизи болған Чонҗа йезисида туғулған. 2002-жили Илия-Бәхтия намидики оттура мәктәпни түгитип, Т.Жүргенов намидики Қазақ миллий сәнъәт академиясида тәһсил көриду. 2006-жилдин башлап Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида паалийәт елип кәлмәктә.

Сәнъәткарлар аилисидә туғулуп, өскән униң нахша-сазға болған иштияқи кичигидинла күчлүк болди. Тәбиәт ата қилған талантини нәзәрийәвий билим вә әмәлий тәҗрибә арқилиқ тәкамуллаштуруп келиватқан у бүгүнки таңда тамашибинларниң диққитини өзигә мәһлия қилип үлгәргән актерларниң бири. Буниңға у «Король Лир» (муәллипи У.Шекспир) спектаклида – герцог Бургунскийниң, «Идиқутта» (Ә.Һаширов) – Тататуңаниң, «Анарханда» (Җ.Асимов, А.Садиров) – Ловарниң, «Қәшқәрдә мәшъәлдә» – консулниң, «Мирас мончақта» (Һ.Гүлиев) – Асимниң, «Қар көчкүнидә» (Т.Жуженоғли) – рәисниң, «Мәҗнун жигитләрдә» (Б.Муқай) – Нурбайниң, «Алчилиқ бағда» (А.Чехов) – Петя Трафимовниң вә башқиларниң образлирини утуқлуқ яритиш арқилиқ йәтти.

Ү.Қасимов шундақла һәрхил саз-әсваплирини чалалайдиған, нахшиму ейталайдиған көпқирлиқ сәнъәткар. Тамашибинлар уни «Тәбәссүм» шоу-программисида иҗра қилған комедиялик рольлири арқилиқму яхши тонуйду.

Һәрхил жилларда иҗадий коллектив билән биллә ШУАР (ХХҖ), Түркия, Россия, Әзәрбәйҗан қатарлиқ мәмликәтләрдә гострольлуқ сәпәрләрдә болуп, Қазақстан Җумһурийити Мәдәнийәт министрлигиниң вә чәт әлләрниң саһалиқ идарилириниң дипломлири билән тәғдирләнгән.  

Аблиз Абазоғли Ошамов 1961-жили 25-майда әйни вақитта Алмута вилайитиниң тәркивигә киргән (һазир Йәттису вилайити) Панфилов наһийәсигә қарашлиқ Көктал йезисида туғулған. Оттура мәктәптин кейин Т.Жүргенов намидики Алмута дөләт театр вә бәдиий сәнъәт институтиға оқушқа чүшүп, уни «Театр вә кино актери» мутәхәссислиги бойичә түгәткән. Қазақстан Җумһурийити Мәдәнийәт министрлигиниң йолланмисиға мувапиқ 1995-жилдин башлап Җумһурийәтлик дөләт Уйғур музыкилиқ комедия театрида паалийәт елип келиватиду.
Өткән жиллар давамида өз кәспиниң қир-сирлирини йетүк өзләштүрүш йолида издинип әмгәк қиливатқан у миллий сәһнимиздә қоюлған онлиған спектакльларда һәрхил образларни яритиш арқилиқ көпчиликниң иллиқ ихласиға бөләнди. Мәсилән у иҗра қилған «Қош юлтуз» (муәллипи Й.Мухлисов) спектаклидики – Ақбәгниң, «Аршин мал аландики» (У.Гаджибеков) – Сулайманниң, «Ғерип-Сәнәмдики» (И.Саттаров, В.Дьяков) – Шаһ Аббасниң, «Анархандики» (Җ.Асимов, А.Садиров) – Буқа мәзинниң, Қадирбайниң, «Ялғуз ялпуздики» (Ә.Һаширий) – Баратахунниң, «Өмәр Муһәммәдийдики» (Қ.Мәңсүров) – Сидиқниң, «Баянчурдики» (А.Самсақов) – Арсланбәгниң, «Аманнисахандики» (М.Абдрахманов, М.Һезимов) – Хәйруллиниң, «Цыган серенадисидики» (И.Сапарбай) – Алекониң вә башқа қәһриманларниң рольлири тамашибинларни мәһлия қилипла қоймай, уларниң хатирисидә узақ сақланди. Униң шундақла нахша-сазға майиллиғиму үстүн болуп, бу җәһәттинму өзигә тапшурулған вәзипә һөддисидин шәрәплик чиқиш ихтидариға егә.
2011-жили «Қазақстан Республикасының Тәуелсіздігіне – 20 жыл» юбилейлиқ медали билән тәғдирләнгән.

Адиләм Дамилқизи Хелилова 1995-жили 9-апрель күни Алмута вилайитиниң Уйғур наһийәсигә қарашлиқ Түгмән йезисида туғулған. Оттура мәктәптин кейин, Т.Жүргенов намидики Қазақ миллий сәнъәт академиясиға оқушқа чүшүп, мәзкүр билим дәргаһини 2019 жили «Музыкилиқ драма актери» мутәхәссислиги бойичә тамамлиған. Студент чағлиридин башлапла, йәни 2016-жилдин етиварән Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театриниң паалийитигә йеқиндин арилишип, иҗрачилиқ маһаритини тәнтәнә қазандуруп кәлмәктә.
Ейтиш керәкки, алий билим дәргаһида биллә оқуған курсдашларниң дипломлуқ иши болған У.Гаджибековниң «Аршин мал алан» комедиясидә у иҗра қилған Теллиниң роли мутәхәссисләр тәрипидин жуқури баһаланди. Пәқәт ула әмәс, умумән А.Хелилованиң сәнъәт дәргаһиға қәдәм тәшрип қилған дәсләпки күнләрдин башлап жүргүзүватқан қизғин паалийити униң, һәқиқәтәнму, келәчигидин үмүт күткүзидиған қабилийәт егиси екәнлигидин далаләт бериду. Буниңға яш актрисиниң өзигә ишинип тапшурулған «Ромео вә Джультта» (У.Шекспир) спектаклидики – Джульетта, «Анархандики» (Җ.Асимов, А.Садиров) – Майимхан, «Өмүр ширнисидики» (А.Мәсимов) – чашқан, «Өз ихтияри биләндики» (У.Умарбеков) – Зумрат, «Қәдирданлардики» (А.Садиров) – Зарина, «Дәттикамдики» (Һ.Гүлиев) – Гүлсүм, «Мениң билән муңдашқиндики» (Г.Насирова) – Адиләм охшаш бир-биригә тамамән охшимайдиған рольларниң һөддисидин шәрәплик чиққанлиғиму гувалиқ қилса керәк.

Бәхитҗан Нурмәһәммәтоғли Авдунов 1990-жили 26-октябрьдә Алмута вилайитигә қарашлиқ Уйғур наһийәсиниң Кичик Дехан йезисида туғулған. Т.Жүргенов намидики Қазақ миллий сәнъәт академиясидә «Актерлуқ сәнъәт» (музыкилиқ театр актери) вә «Режиссура» (музыкилиқ театр режиссери) мутәхәссисликлири бойичә тәһсил көргән. Сәнъәтшунаслиқ пәнлириниң магистри.
2012-жили Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театриға драма актери сүпитидә ишқа қобул қилинди.
Иҗадий коллективқа кәлгән дәсләпки күнләрдин башлапла өзиниң яхши хисләтлири билән көрүнүшкә башлиған у «Майсариниң иши» (муәллипи Һ.Ниязи) спектаклида – Һидайәтханниң, «Чивинлар падишасида» (У.Голдинг) – Робертниң, «Алтун ачқучта» (А.Толстой) – Пьерониң, «Қәриздә» (И.Зайир) – Үмүтҗанниң, «Келинләр қозғилиңида» (С.Ахмад) – Тохтиниң, «Баянчурда» (А.Самсақов) – Ли Чень Шеньниң, «Анарханда» (Җ.Асимов, А.Садиров) – Ловарниң, «Ана мирасида» (Д.Мәшүрова, М.Һошуров, М.Һезимов) – Җелилниң, «Ромео вә Джульеттида» (У.Шекспир) – Меркуциониң, «Қәшқәрдә мәшъәлдә» (А.Бавдинов) – Әйсаханниң, «Назугумда» (Т.Тохтәмов романи асасида сәһнилик үлгисини тәйярлиған Г.Насирова) – Һезмахунниң, «Қәдирданларда» (А.Садиров) – Бағдатниң, «Алчилиқ бағда» (А.Чехов) – җаһанкәздиниң рольлирини муваппәқийәтлик иҗра қилди.
«Алчилиқ бағ», «Ялғуз ялпуз» спектакльлирида режиссерниң ярдәмчиси болған у кейинки вақитларда өзиму айрим әсәрләрни сәһниләштүрүш йолида издинип әмгәк қилмақта. Мәсилән униң режиссерлуғида сәһниләштүрүлгән Авут Мәсимовниң «Өмүр ширниси» намлиқ балиларға беғишланған спектакль яш тамашибинлар тәрипидин қизғин қарши елинди.

Гүлназ Сәйдалимқизи Амутова 1980-жили 5-октябрьда Алмута вилайитиниң Чонҗа йезисида дунияға кәлгән. 1997-жили Уйғур наһийәсиниң Баһар йезисидики оттура мәктәпни тамамлап, Т.Жүргенов намидики Қазақ дөләт сәнъәт академиясигә оқушқа чүшиду. Мәзкүр билим дәргаһиниң «Музыкилиқ театр актери» бөлүмини муваппәқийәтлик тамамлиғандин кейин, Қазақстан Җумһурийити Мәдәнийәт вә әхбарат министрлигиниң йолланмиси бойичә Уйғур театриға ишқа қобул қилинип, бүгүнки күнгә қәдәр актриса сүпитидә паалийитини давамлаштуруп кәлмәктә.
Өзигә хас иҗра қилиш маһаритигә егә болған у өткән вақит ичидә көплигән спектакльларда һәрхил персонажларниң, җүмлидин бир қатар баш қәһриманларниңму образлирини утуқлуқ яритип, тамашибинларниң қизғин алқишлириға еришти.

У ойниған «Анархан» (муәллиплири Җ.Асимов, А.Садиров) спектаклидики – Анархан билән Ләйлиханниң, «Ғерип-Сәнәмдики» (И.Саттаров, В.Дьяков) – Сәнәмниң, «Аманнисахандики» (М.Абдурахманов, М.Һезимов) – Аманнисаханниң, «У яқта җим-җитлиқтики» (В.Дельмар) – Неллиниң, «Назугумдики» (Т.Тохтәмов романи асасида сәһнилик үлгисини тәйярлиған Г.Насирова) – Бүвиайшәмниң, «Ана мирасидики» (Д.Мәшүрова, М.Һошуров, М.Һезимов) – Мәрийәмниң, «Алчилиқ бағдики» (А.Чехов) – Аняниң, «Тәғдир қисмитидики» (Д.Мәшүрова) – Муһәббәтниң, «Бовақтики» (И.Зайниев) – мөшүкниң, «Қәриздики» (И.Зайир) – Меһрибанниң, «Алтун ачқучтики» (А.Толстой) – Мальвининиң, «Сирлиқ китаптики» (Һ.Гүлиев) – Меһрибанниң, «Баянчордики» (А.Самсақов) – Чоғлуқниң, «Ай тутулған түндики» (М.Кәрим) – Зүбәрханниң, «Мурагерлердики» (Д.Исабеков) – Салиханиң (яш вақти), «Диванидики» (Р.Мадиев) – Үмидәниң, «Қар көчкүнидики» (Т.Жуженоғли) – яш қизниң, «Ипархандики» (М.Кебиров, И.Җәлилов, Қ.Абдурасулов) – қитан қизиниң, «Ғунчәмдики» (З.Қадирий) – Алмагүлниң вә башқиму қәһриманларниң рольлири әйнә шуниңға ярқин испат болалайду.

Шу хилдики иҗадий издинишлириниң нәтиҗисидә у Қазақстан хәлқи Ассамблеясиниң Тәшәккүрнамисигә еришип, Қазақстан Җумһурийити Мәдәнийәт министрлигиниң Пәхрий грамотиси билән тәғдирләнди.

Қудрәт Тәлһәтоғли Йүсүпов 1990-жили 28-майда Алмута вилайитиниң Уйғур наһийәсигә қарашлиқ Кичик Дехан йезисида туғулған. Мәзкүр йезидики оттура мәктәпни түгәткәндин кейин, Т.Жүргенов намидики Қазақ миллий сәнъәт академиясигә оқушқа чүшүп, 2008 – 2012-жиллар арилиғида шу дәргаһта тәһсил көриду. Униң Қ.Ғоҗамияров намидики Җумһурийәтлик дөләт академиялиқ Уйғур музыкилиқ комедия театридики иш-паалийити 2012-жилдин башланди.

Сәнъәт саһасини таллиған Қ.Йүсүпов бүгүнки күндә миллий сәһнимиздә қоюлуватқан спектакльлардики һәрхил рольларни иҗра қилиш арқилиқ актерлуқ кәсипниң қир-сирлирини өзләштүрүш йолида издинип әмгәк қилмақта. Мәсилән, у яратқан «Анархан» (муәллиплири Җ.Асимов, А.Садиров) спектаклидики – Буқа мәзинниң, Бәхтияниң, Мухпулниң, «Идиқуттики» (Ә.Һаширий) – Җоши ханниң, «Мәҗнун жигитләрдики» (Б.Муқай) – Иксниң, «Ромео вә Джульеттидики» (У.Шекспир) – Самсонниң, «Қәшқәрдә мәшъәлдики» (А.Бавдинов) – Савут Мәхсүмниң, «Мениң билән муңдашқиндики» (Г.Насирова) – иккинчи жигитниң, «Майсариниң ишидики» (Һ.Ниязий) – Жубанәлиниң, «Ялғуз ялпуздики» (Ә.Һаширий) – Мериахунниң, «Ләйли вә Мәҗнундики» (Ш.Хуршид) – Қасимниң, «Мәшһур Галендики» (К.Чапек) – ассистентниң образлирини тамашә қилғанда униң өз вәзиписигә мәсъулийәтчанлиқ билән қарайдиғанлиғини байқашқа болиду.

Назугум Кәримҗанқизи Тайирова 1995-жили 27-декабрьда Алмута вилайитиниң илгәрки Челәк (һазирқи Әмгәкчиқазақ) наһийәсигә қарашлиқ Челәк йезисида туғулған. Мәзкүр йезидики оттура мәктәпни тамамлиғандин кейин, Т.Жүргенов намидики Қазақ миллий сәнъәт академиясидә «Иҗрачилиқ маһарити» мутәхәссислиги бойичә тәһсил көрди. 2016-жилдин башлап Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида ишләватиду.
Н.Тайировани кейинки жилларда театрниң иҗадий коллективиға қошулған талантлиқ яш сәнъәткарларниң бири дәп ейтишқа болиду. У яратқан «Алчилиқ бағ» (А.Чехов) спектаклидики – Аняниң, «Апәттики» (Я.Шәмиев) – баш қәһриманниң, «Өз ихтияри биләндики» (Ө.Омарбеков) – Зумратниң, «Аршин мал аландики» (У.Гаджибеков) – Асияниң, «Анархандики» (Җ.Асимов, А.Садиров) – Ләйлиханниң, «Қәдирданлардики» (А.Садиров) – Гүлмираниң, «Мурагерлердики» (Д.Исабеков) – келинниң, «Қәшқәрдә мәшъәлдики» (А.Бавдинов) – Аминәниң, «Ләйли-Мәҗнундики» (Ш.Хуршид) – Җәмиләниң, «Мениң билән муңдашқиндики» (Г.Насирова) – Адаләтниң вә башқиларниң образлири ярқинлиғи һәм мәптункарлиғи билән пәриқлиниду.
У шундақла «Сада» ансамблиниң нахшичиси вә айрим қоюлумларниң риясәтчиси сүпитидиму тамашибинлар қәлбигә йол ачмақта.

Разийә Қасимҗанқизи Һәмраева 1979-жили 18-июль күни Алмута шәһиридә туғулған. 1977-жили оттура мәктәпни тамамлиғандин кейин, Т.Жүргенов намидики Қазақ дөләт сәнъәт академиясидә «Иҗрачилиқ маһарити» мутәхәссислиги бойичә тәһсил көрди. 2001-жили Қазақстан Җумһурийити Мәдәнийәт вә әхбарат министрлигиниң йолланмиси бойичә Җумһурийәтлик дөләт Уйғур музыкилиқ комедия театриға ишқа қобул қилинип, ушбу дәргаһта 2004-жилғичә хизмәт қилди. 2021-жили театрға қайтип келип, өз кәспи бойичә паалийитини давамлаштуруватиду.
Һазир Р.Һәмраева қизғин паалийәт үстидә. Театр репертуаридин орун алған «Анамниң ақ көйниги» (Ш.Хусаинов) спектаклида – нәврисиниң, «Анарханда» (Җ.Асимов, А.Садиров) – Майимханниң, «Махамбетта» (Ә.Тарази) – тоқалниң, «Қәриздә» (И.Зайир) – Һәсәлниң, «Ләйли-Мәҗнунда» (Ш.Хуршид) – Җәмиләниң, «Мәшһур Галенда» (К.Чапек) – нәврисиниң, «Рәнагүлдә» (Х.К.Андерсен) – чашқанниң вә башқиларниң образлирини муваппәқийәтлик яритиш арқилиқ тамашибинларниң алқишиға бөләнмәктә.

Кейинки вақитларда у шундақла йеқимлиқ авази билән нахша иҗра қилип, бу җәһәттинму қабилийәтлик екәнлигигә көпчиликниң көзини йәткүзүватиду.

Ризат Тиләпҗаноғли Мамутов 1991-жили 29-августта Алмута вилайитигә қарашлиқ Уйғур наһийәсиниң Шерин йезисида дунияға кәлгән. Шу йезидики оттура мәктәпни 2009-жили түгитип, 2012 – 2016-жиллар арилиғида Т.Жүргенов намидики Қазақ миллий сәнъәт академиясидә оқуйду. 2016-жилдин башлап Қ.Ғоҗамияров намидики Республикилиқ дөләт академиялик Уйғур музыкилиқ комедия театрида паалийәт елип кәлмәктә.

У қисқа вақитниң ичидила «Аршин мал алан» (муәллипи У.Гаджибеков) спектаклидики – Әсқәрниң, «Ромео вә Джульеттидики» (У.Шекспир) – Ромеониң, «Мурагерлердики» (Д.Исабеков) – жигитниң, «Дәттикамдики» (Һ.Гүлиев) – Азатниң, «Қәдирданлардики» (А.Садиров) – Мәхсәтниң, «Анархандики» (Җ.Асимов, А.Садиров) – Һәмраниң, «Қәшқәрдә мәшъәлдики» (А.Бавдинов) – Әмәтқулниң, «Өмүр ширнисидики» (А.Мәсимов) – чашқанниң, «Ләйли-Мәҗнундики» (Ш.Хуршид) – Мәҗнунниң вә башқиларниң рольлирини муваппәқийәтлик ойнаш арқилиқ тамашибинларниң иллиқ ихласиға бөлүнүп, келәчигигә зор үмүт билән қаратқан актерларниң бири болуп һесаплиниду.

Саһидәм Султанқизи Зайитова 1981-жили 18-сентябрьдә Алмута вилайитиниң Уйғур наһийәсигә қарашлиқ Кәтмән йезисида туғулған. Оттура мәктәпни тамамлиғандин кейин, Т.Жургенов намидики Қазақ миллий сәньәт академиясида «Драма вә кино актери» мутәхәссислиги бойичә тәһсил көриду.
2003-жили Қазақстан Җумһурийити Мәдәнийәт вә әхбарат министрлигиниң йолланмисиға мувапиқ Н.Жантөрин намидики Маңғыстав вилайәтлик музыкилиқ драма театриға ишқа орунлишиду. Икки жилдин кейин, йәни 2005-жили Қ.Ғоҗамияров намидики Җумһурийәтлик дөләт Уйғур музыкилиқ комедия театриға ишқа авушуп, бүгүнгә қәдәр мошу дәргаһта паалийәт елип кәлмәктә.
У һәр икки театрда ишиға мәсъулийәтлик билән қарап, өзигә тапшурулған рольларни муваппәқийәтлик иҗра қилишқа муваппәқ болди. Мәсилән, «Дозақ» (муәллипи А.Өзүбеков) спектаклидики – Маликаниң, «Анархандики» (Җ.Асимов, А.Садиров) – Ләйлиханниң, «Мирас мончақтики» (Һ.Гүлиев) – Шерингүлниң, «Дәрвишниң муһәббити, данишмәнлиги вә өлүмидики» (Т.Зулфиқаров) – Кокониң, «Цыган серенадисидики» (И.Сапарбай) – Сағынышниң, «Идиқуттики» (Ә.Һаширий) – Алтун бикениң, «Ипархандики» (М.Кебиров, И.Җәлилов, Қ.Абдрасулов) – Ингониң, «Аманнисахандики» (М.Абдрахманов, М.Һезимов) – Гүләндәмниң, «Ромео вә Джульеттидики» – Капулеттиниң, «Өз ихтияри биләндики» (Ө.Омарбеков) – Зумратниң рольлири вә башқилар шуниң ярқин ипадисидур.

Саһинур Абдурешитқизи Бақиева 1979-жили 26-декабрь күни Алмута вилайитиниң илгәрки Челәк (һазирқи Әмгәкчиқазақ) наһийәсигә қарашлиқ Маливай йезисида туғулған. 1997-жили мәзкүр йезидики оттура мәктәпни тамамлиғандин кейин, Т.Жүргенов намидики Қазақ дөләт сәнъәт академиясида «Иҗрачилиқ маһарити» мутәхәссислиги бойичә тәһсил көриду. Андин Қазақстан Җумһурийити Мәдәнийәт вә әхбарат министрлигиниң йолланмиси бойичә Җумһурийәтлик дөләт Уйғур музыкилиқ комедия театриға ишқа қобул қилинип, актриса сүпитидә паалийәт елип кәлмәктә.
С.Бақиева иҗра қилған рольларда сүнъийликкә қариғанда тәбиийлик бесим. Шуңлашқа у тамашибинлар нәзәрини өзигә бәнд қилалайду. Сәнъәткар яратқан «Қәшқәрдә мәшъәл» (А.Бавдинов) спектаклидики – Тунсаханниң, «Өмәр Муһәммәдийдики» (Қ.Мәңсүров) – Қурванҗанниң, «Қәшқәрийәдики» (Ш.Шаваев, Иран-Ғайип) – кичик ханимниң, «Анархандики» (Җ.Асимов, А.Садиров) – Майимханниң, «Алчилиқ бағдики» (А.Чехов) – Дуняшаниң, «Тәғдир қисмитидики» (Д.Мәшүрова) – Надираниң, «Тәнһа юлтуздики» (Н.Аббасхан) – Күндәшниң, «Мурагерлердики» (Д.Исабеков) – Фирузаниң, «Ана мирасидики» (Д.Мәшүрова, М.Һошуров, М.Һезимов) – Мәрийәмниң, «Қәриздики» (И.Зайир) – Мунираниң образлири әйнә шуниң ярқин ипадиси.
У шундақла өзиниң иҗрачилиқ маһаритини «Тәбәссүм» шоу-программисидики миниатюрилардиму тәнтәнә қазандуруп келиватқан көпқирлиқ сәнъәткардур.

Шарванәм Имәрҗанқизи Сабитова 1980-жили 4-ноябрьда Алмута шәһиридә туғулған. 1997-жили А.Розибақиев намидики 153-мәктәп-гимназияни тамамлиғандин кейин, Т.Жүргенов намидики Қазақ дөләт сәнъәт академиясида тәһсил көриду. 2001-жилдин етиварән Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида паалийәт елип кәлмәктә.
Ш.Сабитова өткән вақит ичидә мүҗәз-хулқи һәрхил болған персонажларниң обризини яритиш арқилиқ миллий сәнъитимизниң риваҗлинишиға мунасип үлүшини қошуп келиватқан сәнъәткарларниң бири. Өзигә тәләп қоюшни билидиған у тамашибинларға «Илтимас, ериңизни сетиңа» (муәллипи М.Задорнов) спектаклидики – Оксананиң, «Алтун ачқучтики» (А.Толстой) – Буратинониң, «Ипархандики» (М.Кебиров, И.Җәлилов, Қ.Абдурасулов) – Гүлнариниң, «Кәчүр мени, җеним анадики» (Р.Батули) – Гүлзерәкниң, «Король Лирдики» (У.Шекспир) – Карделияниң, «Диванидики» (Р.Мадиев) – Үмидәниң, «Гүлдәстидики» (Т.Юнус, Г.Насирова) – Җемиләмниң, «Идиқуттики» (Ә.Һаширий) – Алтунбикениң, «Алчилиқ бағдики» (А.Чехов) – Дуняшаниң, «Қәшқәрдә мәшъәлдики» (А.Бавдинов) – Наиля хенимниң, «Дәттикамдики» (Һ.Гүлиев) – Гүлсүмниң, «Мурагерлердики» (Д.Исабеков) – Ферузаниң вә башқиларниң рольлирини маһиранә иҗра қилиш арқилиқ тонулди.
Шу муваппәқийәтлири үчүн Қазақстан Җумһурийити Мәдәнийәт министрлигиниң Пәхрий ярлиғи билән тәғдирләнди.

Шөһрәт Бағдатоғли Мәмәтов 1990-жили 25-октябрьда Алмута вилайитиниң Уйғур наһийәсигә қарашлиқ Ават йезисида туғулған. 2008-жили Һ.Искәндәров намидики оттура мәктәпни түгитип, Т.Жүргенов намидики Қазақ миллий сәнъәт академиясиға оқушқа чүшиду. 2012-жили мәзкүр билим дәргаһини тамамлиғандин буян Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида паалийәт елип келиватиду.
Ш.Мәмәтов өз ишиға җавапкарлиқ билән қарайдиған, берилгән рольниң маһийитини чүшинип, уни һәртәрәплимә ечип беришкә тиришидиған сәнъәткарларниң бири. Буни у яратқан «Чивинлар падишаси» (муәллипи У.Голдинг) спектаклидики – Джекниң, «Майсариниң ишидики» (Һ.Ниязи) – Дорға һаҗиниң, «Ана мирасидики» (Д.Мәшүрова, М.Һошуров, М.Һезимов) – Қадирниң, «Идиқуттики» (Ә.Һашири) – Баурчуқниң, «Анархандики» (Җ.Асимов, А.Садиров) – Мухпулниң, «Ромео вә Джульеттидики» (У.Шекспир) – Тибальтниң, «Алчилиқ бағдики» (А.Чехов) – Епиходовниң, «Дәттикамдики» (Һ.Гүлиев) – Һашимниң, «Ялғуз ялпуздики» (Ә.Һаширий) – Надирниң, «Мениң билән муңдашқиндики» (Г.Насирова) – милиционерниң, «Қәдирданлардики» (А.Садиров) – Дәулетниң вә башқиларниң образлиридин байқаш мүмкин.
У шундақла уссулчи сүпитидиму бирқатар концертлиқ программиларға иштрак қилип, өзиниң һәртәрәплимә талантқа егә екәнлигини тәнтәнә қазандурған сәнъәткардур.

Эмина Рәхмәтҗанқизи Рәхмәтҗан 1995-жили 13-октябрьдә Алмута вилайитиниң илгәрки Челәк (һазирқи Әмгәкчиқазақ) наһийәсигә қарашлиқ Қорам йезисида туғулған. 2012-жили мәзкүр йезидики оттура мәктәпни тамамлиғандин кейин, Т.Жүргенов намидики Қазақ миллий сәнъәт академиясидә «Иҗрачилиқ маһарити» мутәхәссислиги бойичә тәһсил көрди. 2016-жили Қазақстан Җумһурийити Мәдәнийәт вә әхбарат министрлигиниң йолланмиси бойичә Җумһурийәтлик дөләт академиялиқ Уйғур музыкилиқ комедия театриға ишқа қобул қилинип, сәнъәт йолидики паалийитини башлиди.
Э.Рәхмәтҗан қисқа вақитниң ичидә көплигән спектакльларда баш вә мәркизий рольларни, җүмлидин «Аршин мал алан» (муәллипи У.Гаджибеков) спектаклидики – Гүлчеһрәниң, «Өмүр ширнисидики» (А.Мәсимов) – Зуғуйханниң, «Ғерип-Сәнәмдики» (И.Саттаров, В.Дьяков) – Гүлбадәмниң, «Алчилиқ бағдики» (А.Чехов) – Варяниң, «Назугумдики» (Т.Тохтәмовниң романи асасида сәһнилик үлгисини тәйярлиған Г.Насирова) – Назугумниң, «Анархандики» (Җ.Асимов, А.Садиров) – Анархан билән Рәниханниң, «Ләйли-Мәҗнундики» (Ш.Хуршид) – Ләйлиниң, «Мениң билән муңдашқиндики» (Г.Насирова) – һарақниң, «Мәшһур Галендики» (К.Чапек) – қизиниң, «Рәнагүлдики» (Х.К.Андерсен) – Пақиниң рольлирини көңүлдикидәк иҗра қилиш арқилиқ көпчиликни қайил қилди.
 У әйнә шундақ келәчигидин зор үмүт күткүзидиған актриса болуш билән биллә, миллий сәнъитимизниң дурданиси болған – муқамлиримизни орунлашниң қир-сирлирини үгинип келиватқан зил авазлиқ нахшичидур. Сәнъәткарниң бу җәһәттинму чоң утуқларға йетидиғанлиғиға көзүмиз йетиду.
У 1922-жили сәнъәт саһасидики тиришчанлиғиниң нәтиҗисидә Қазақстан Җумһурийити Мәдәнийәт вә спорт министрлигиниң Пәхрий ярлиғи билән мукапатланди.

Ялқунҗан Ясинҗаноғли Ярмуһәмәтов 1995-жили 12-октябрьдә Алмута вилайитиниң Уйғур наһийәсигә қарашлиқ Түгмән йезисида туғулған. Мәзкүр йезидики оттура мәктәпни тамамлиғандин кейин, Т.Жүргенов намидики Қазақ Миллий сәнъәт академиясидә «Иҗрачилиқ маһарити» мутәхәссислиги бойичә тәһсил көрди. 2016-жилдин башлап Қ.Ғоҗамияров намидики Җумһурийәтлик дөләт академиялик Уйғур музыкилиқ комедия театрида актер сүпитидә паалийәт елип келиватиду.
Театрда ишлигән қисқа вақит ичидә у өзини келәчигидин үмүт күткүзидиған талантлиқ яшларниң бири сүпитидә көрситиватиду. У иҗра қилған «Аршин мал алан» (У.Гаджибеков) спектаклидики – Сулайманниң, «Ромео вә Джульттидики» (У.Шекспир) – Ромеониң, «Анархандики» (Җ.Асимов, А.Садиров) – Мухпул билән ясавулниң, «Идиқуттики» (Ә.Һашири) – Чиңғизханниң оғлиниң, «Қәшқәрдә мәшъәлдики» (А.Бавдинов) – Турди моллиниң, «Өмүр ширнисидики» (А.Мәсимов) – Мәпәшниң, «Қәдирданлардики» (А.Садиров) – Мәхсәтниң, «Тәғдир қисмитидики» (Д.Мәшүрова) – Әзизниң, «Мениң билән муңдашқиндики» (Г.Насирова) – бала Илияниң, «Ләйли-Мәҗнундики» (Ш.Хуршид) – Зайитниң вә башқиму қәһриманларниң рольлириға қарап әйнә шундақ хуласә чиқиришқа болиду.